مجزرة الصنوبر في جبلة , الشهداء الأربعة من عائلة منصور

مجزرة الصنوبر في جبلة , عائلة منصور

فيما يلي القصة كما روتها إحدى الناجيات من المجزرة، ابنة الشهيد علي منصور.

أنا من الصنوبر (صنوبر جبلة في مدينة اللاذقية)
بابا الشهيد علي شريف منصور 57 سنة
واخي الشهيد عمار علي منصور 26سنة
وعمو الشهيد إياد شريف منصور 49سنة
وابن عمو الشهيد أحمد إياد منصور 15 سنة
كنا نحنا وبيت عمو ببيت جدو قاعدين كلنا بغرفة وعم ندعي ناطرين الفرج كتير عالم حكوا معنا وقالولنا خلوا الشباب يهربوا عم يقتلوا كل يلي عم يشوفوه بابا وعمو ما رضوا حكوا انو نحنا مدنية ومو عاملين شي وماح يصير إلا يلي كاتبو رب العالمين

الساعة 3 ونص يوم الجمعة 7/3/2025
سمعنا صوت رصاص فاتوا شي سبعة قوصوا ع قفل الباب وفات واحد شافنا كلنا قاعدين بغرفة حكا ل يلي معو برا ليكن الخنازير متخباين هون فورا بابا وعمو طلعوا وحكالنا يلي فات طلعوا كلكن لبرا ركعونا ع الارض كلنا سألونا نحنا شو وكان في شب ضيف عنا حكا مسلمين يلي كان عم يسأل مدري شو صرلو صار يقوص يمين وشمال ويلي معو ما هدي الرصاص مننن ولا ثانية رجع سأل وحكوا انو علوييين أخدو الشباب ع جنب حتى أحمد عمرو 15 سنة حكالو تعال انت تعال وين متخبى لا سألوا عن هويات ولا فتشوا البيت

فوتونا لجوا انا ومرت عمو وماما وبنت عمو وابن عمو الصغير عمرو 10سنين وفات واحد ورانا أخد كلشي معنا هواتف وماما صارت تقلو حققوا معن والله مدنيين كلن ومو عاملين شي
سكروا الباب علينا وحكولنا اوعى حدا يلحقنا ح نرجعن اذا ما عليهن شي وضلينا يوم كامل ناطرين بس يرجعوا وكنا لحالنا وماضل فصيل ولا فات لعنا شي ع كتافن الرايات السود وشي يكونوا لابسين بدللات سود وسورريين كلن ويتقاتلوا مع بعض اذا بيقتلوا ابن عمو الصغير ولا لاء وكلن يسبوا وحكي وسخ وماما تسألن عن عيلتي واحد يقلها انا قتلتن وواحد يقلها هلا منرجعن

ضلينا هيك لتاني يوم الصبح بتجي جارتنا بتقلنا في عالم فوق ع الطريق روحوا شوفن بلكي هنن طلعنا وشفناهن مغسلين بدمن شفناهن كلن جمب بعض شفنا رجل اخي مشقوقة من ورا كلها ضلو اربع تيام لقدرنا ندفنن
الحمدلله في أخرة والحمدلله في يوم حساب
الله يرحم الشهداء جميعا ويصبر قلب عيلن

القصة روتها ابنة الشهيد علي منصور